२९ फागुन अछाम

कमलबजार नगरपालिका वडा नम्बर १० घोडासैनमा वडा बन्ने भएको छ । बिहिबार एक कार्यक्रमका बीच कमलबजार नगरपालिका नगरप्रमुख ओम प्रकाश बिष्ट, उपप्रमुख भुमीशरण बजगाइले घोडासैनको गैरिकोटमा वडा कार्यालयको सिलान्यास गर्नुभएको हो ।

भवनको सिलन्यास गर्दै नगरप्रमुख बिष्टले सबै वडामा आफ्नै भवन निर्माण गर्ने अभियानमा लागेको बताउनुभयो । यसै अन्तरगत वडा नं १० को वडा कार्यालय निर्माण सुरु गरिएको उहाँको भनाई छ ।

भवन निर्माण नभएका वडामा क्रमस वडा कार्यालय निर्माण गरिने नगरप्रमुख बिष्टले बताए । वडा कार्यालय निर्माण भैसकेपछि सेवा प्रवाह गर्न सजिलो हुने उहाँको दाबी छ ।

भाडामा वडा कार्यालय संचालन गर्दा सेवाग्राही र सेवा प्रदायी दुबैलाई समस्या रहेको बताउदै नगरप्रमुख बिष्टले भने आफ्नो संरचना निर्माण भएपछि राहत पुग्ने छ । वडा नं १० का अध्यक्ष भिम बिष्टले वडा कार्यालय निर्माणले स्थानीयमा खुसी छाएको बताए । उनले भने भाडामा वडा कार्यालय संचालन गर्दा नगरपालिकालाई आर्थिक भार परेको थियो भवन बनेपछि त्यसबाट मुक्ती मिल्ने छ ।

सिलान्यास कार्यक्रममा कमलबजार नगरपालिका वडा नम्बर ६ का अध्यक्ष राम बहादुर शाह, पत्रकार महासंघ अछामका सदस्य सुशील भण्डारी लगायतको उपस्थित रहेको थियो ।