अछाम – बहुक्षेत्रीय पोषण योजना सम्वन्धि २ दिने गोष्ठि मंगलसेन नगरपालिकामा सम्पन्न भएको छ । बहुक्षेत्रीय पोषण योजना, एकिकृत स्वास्थ्य तथा पोषण कार्यक्रमको दिगोपना सुनिश्चितता तथा पोषणमैत्री स्थानीय शासन अवलम्वनको लागि पालिका स्तरिय सूचक निर्धारण र स्थानीयकरण गर्नका लागि गोष्ठिको आयोजना गरिएको हो ।

नगरप्रमुख एवं नगर स्तरिय बहुक्षेत्रीय पोषण कार्यक्रमका संयोजक पदमबहादुर बोहराको अध्यक्षतामा भएको कार्यक्रममा नगरपालिकामा पोषणको वर्तमान अवस्था, कार्यक्रम कार्यान्वयनमा आईपरेका चुनौती र आगामि वर्षको कार्ययोजना बारे बृहत रुपमा छलफल भई बिभिन्न निर्णय समेत गरिएको छ ।

जस अन्र्तगत २ दिने गोष्ठिमा भएका छलफलका विषयलाई नगर कार्यपालिका बैठकमा पेश गर्ने निर्णय भएको छ । यस्तै जूपु स्वास्थ्य चौकीलाई पोषणमैत्री स्वास्थ्य संस्था घोषणा गर्ने र नगरभीत्रका अन्य स्वास्थ्य संस्थालाई पोषणमैत्री घोषणाका लागि आवश्यक सूचक पुरा गर्न निर्देशन गर्ने निर्णय पारित गरिएको छ ।