धनगढी – सत्तारुढ दल नेकपाका सुदूरपश्चिमका सचेतक समेत रहेका प्रदेश सभा सदस्य अक्कल रावलमाथि थप अनुसन्धान गर्न सरकारी वलिक कार्यालयले आदेश दिएको छ ।

जिल्ला प्रहरी कार्यालय कैलालीले अनुसन्धान सकेर सरकारी वकिल कार्यालयलाई प्रतिवेदन बुझाएकोमा वकिल कार्यालयले भने थप अनुसन्धान गर्न आदेश दिएको हो ।

सरकारी वलिक कार्यालयका अनुसार देख्ने साँचीको बयान थपेर अनुसन्धान प्रतिवेदन फेरी बुझाउन आदेश दिईएको हो ।

प्रहरीले १६ दिन हिरासतमा राखेर बिहिवार उनीमाथिको अनुसन्धान प्रतिवेदन बुझाएको थियो। पहिलो पटक बुझाईएको अनुसन्धान प्रतिवेदनका आधारमा सरकारी वकिलले थप अनुसन्धान गर्न प्रहरीलाई निर्देशन दिन सक्ने व्यवस्था रहेको छ ।

मुद्धा नचलाउने निर्णय गर्न सक्ने अधिकारपनि सरकारी वकिलको कार्यालयलाई छ । रावलले गत माघ २१ गते धनगढी उप–महानगरपालिका वडा नम्वर ४ की एक विवाहित महिलाको कोठामा गएर जबरजस्ती बलात्कार प्रयास गरेको जाहेरी प्रहरीमा परेको थियो ।

फागुन १४ गते जाहेरी दिईएकोमा रावल २१ गते प्रहरी कार्यालयमा उपस्थित भएका थिए ।