धनगढी- सेती प्रादेशिक अस्पताल धनगढीमा आइसोलेसन रहेका एक कोरोना संक्रमित युवाले आफ्नो नमूना रिपोर्ट आएपछि चिकित्सकहरुले वास्ता नगरेको गुनासो पोखेका छन्।

स्वास्थ्य तथा जनसंख्या मन्त्रालयले दुबईबाट आएका ती ३४ वर्षीय युवा चैत्र ११ गते अस्पताल भर्ना भएको र शुक्रबार आएको रिपोर्टमा कोरोना पोजिटिभ देखिएको पुष्टि गरेको थियो।

शुक्रबार रिपोर्ट आएपछि आफूलाई छुट्टै राखिएको र कोही चिकित्सक पनि उपचारमा नआएको उनले गुनासो पोखे।