भारत – विभिन्न दातृ निकाय र प्रवासी संघ संगठनको सहयोगमा बाब्ली एकता समाज मुम्बईले लकडाउनका कारण अप्ठेरोमा परेका नेपालीहरुलाई खाध्यान्न सहयोग गरेको छ ।

समाजले ५० भन्दा बढी परिवारलाई प्रति परिवार १० किलो चामल, १ किलो (नुन, तेल, दाल) राहत स्वरुप वितरण गरेको हो । संकटको बेला समाज सेवा भावले सक्दो सहयोग अनुसार राहत वितरण गरेका बाब्ली एकता समाजका संस्थापक ज्योती बाब्लीेले बताए ।

मुम्बैमा लामो समय देखि समाज सेवा गर्दै आएको बाब्ली एकता समाजले अहिले कोरोनाको कारण अप्ठेरोमा परेका नागरिकलाई सहयोग गर्दै आईरहेको समाजका संस्थापक प्रेम बाब्लीले बताए । प्रवासको असहज परिस्थितिका वावजुद आफुहरुले सानो राहत वितरणले उनले बताए ।

राहतको वितरणका लागि प्रवासी नेपाली संघका महासचिव डम्मर रावल, जीवन विश्वकर्मा, दिनेश बाब्ली, दिपक दास लगायतका ब्यक्तिहरुले पनि आर्थिक सहयोग गर्नु भएको बताईएको छ ।

विश्वव्यापी रुपमा फैलिएको कोरोना भाईरसको कारण देश विदेशमा रहेका नेपालीहरु प्रभावित भएका छन् । महामारी त्रासले गर्दा भारतको मुम्बईमा बस्दै आएका धेरै जसो नेपालीहरु पिडामा रहेका छन् । जिविकोपार्जनका लागि सुदूरपश्चिमका अधिकांश जिल्लाबाट र बिशेषगरी अछाम जिल्लाबाट पनि धेरै जसो नागरिक भारत पलायन हनुपर्ने बाध्यता कायम छ ।

आम्दानी र नोकरीको लागि भारत जाने नागरिक अहिले लकडाउनका कारणले बढी मारमा परेका छन् । आयश्रोतका साथै आम्दानी नहुदाँ उनिहरु मारमा परेका हुन् । करिबम ३ सय भन्दा बढी नेपाली परिवार मुम्बइको मान्खुर्द स्थित झोपडपट्टिमा बस्दै आएका बताईएको छ ।