मंगलसैन नगरपालिका वडा नम्बर ६ ले बिश्वमा सन्त्रास फैलाइ रहेको कोरोना भाईरस अर्थात (कोभिड १९) को सम्भाबित जोखिम लाई मध्यनजर गर्दै वडा भित्रका सम्पुर्ण नागरिक हरुको घर घरमा पुगि स्वास्थ्य सामाग्री बितरण गरेको छ ।

वडा अध्यक्ष जनकराज भण्डारीको नेतृत्वमा गएको टोलिले वडाभित्रका सम्पुर्ण नागरिकको घरमा पुगि सामाजिक दुरि कायम गर्दै १८०० मास्क ,साबुन लगायत स्वास्थ्य सामाग्री बितरण गरीएको हो ।

कोरोना भाइरसको संक्रमणबाट बचाउन सहयोग होस् भन्ने उदेश्यले वडाबासीलाई मास्क तथा स्वास्थ्य सामाग्री बितरण वडा अध्यक्ष भण्डारीले बताए ।

बिश्वलाई नै तरँगित बनाईरहेको यस भाइरस बाट सुरक्षित रहनका लागी वडा बासिलाइ अपिल गर्नुका साथै भारत बाट आएका उक्त वडाका नागरिक हरुला घरमा भित्रै सुरक्षित तरिकाले बस्न अनुरोध समेत गरिएको छ ।

उक्त वडाका नागरिकहरुको घरमा खाद्यान्नको अभाव भए नभएको बारेमा समेत जानकारी लिएको वडा अध्यक्ष भण्डारीले बताए ।