मुम्बई ।

भारतको मुम्बईमा कृयाशिल बाब्ली एकता समाजले राहत वितरणको कार्यक्रमलाई तिव्र बनाउने जनाएको छ ।

पहिलो चरणको राहत वितरण कार्यक्रम मार्फत करिब ५० नेपाली परिवारलाई प्रती परिवार १० किलो चामल, १ किलो दाल, नुन, तेल वितरण गरि सकेको समाजले फेरी दोस्रो चरणको कार्यक्रम मार्फत छुटेका २५ परिवारलाई राहत वितरण गरेको माजका संस्थापक प्रेम बाब्लीले जानकारी दिनुभएको छ ।

राहत वितरणमा खाध्यान्न अन्र्तगत १० किलो चामल, १ किलो दाल, नुन, तेल रहेको समाजका संस्थापक तथा समाजसेवी ज्योती बाब्लीले बताए ।

समाजका अध्यक्ष रंगनाथ बाब्लीका अनुसार साँफेबगर नगरपालीका अछाम आसपासका दलित समुदाय मात्रै कम्तिमा १ सय ५० परिवार भन्दा बढी मुम्बईको मानखुर्द स्थित झोपडपट्टि बस्तिमा बस्ने गर्छन् ।

लकडाउनले जिविकोपार्जनका लागी परिवार सहित मुम्बइमा बस्दै आएका दलित तथा विपन्न परिवार नै धेरै मारमा परेका कारण आफुहरुले राहत वितरण गरिरहेको समाजका अध्यक्ष रंगनाथ बाब्लीको भनाई छ ।

दलित समुदायकै प्रतिनिधि संस्था भएकाले लकडाउनका कारण अप्ठेरोमा परेका दलित तथा विपन्न परिवारलाई सहयोग गर्न कुनै कसुर बाँकी नराख्ने उहाँको भनाई छ ।

बाब्ली एकता समाज मुम्बईको दोस्रो चरणको राहतका लागी ब्यक्तिगत रुपमा प्रेम बिक, दिपक बिक, सर्जन बिक, दिपक दास, महेश सिंह, गगन नागर्जी, रमेश सुनार, प्रेम जैगडी, दिनेश भुल र संस्थागत रुपमा पशुपतीनाथ सोसाइटिका अध्यक्ष भोजन रैगाँइ र सचिव टेकेन्द्र दासले आर्थिक सहायता प्रदान गरेको बाब्ली एकता समाजका उपाध्यक्ष मानसिङ बाब्लीले जानकारी दिनुभयो ।