२९ चैत, कैलाली । सुदूरपश्चिम प्रदेशमा एक हजार ८९५ जनाको र्‍यापिड टेस्ट गरिएको छ । स्वास्थ निर्देशनालयले दिएको जानकारी अनुसार सबैको रिपोर्ट नेगेटिभ आएको छ  ।

टोलीले कैलालीमा ७३०, बझाङमा ४२६, कञ्चनपुरमा ४०७, डोटीमा २४०, बाजुरामा ५३, बैतडीमा ३७, डडेल्धुरा र अछाममा एक/एक जनाको र्‍यापिड टेस्ट गरिएको प्रदेश स्वास्थ निर्देशनालयका भेक्टर कन्ट्रोल निरीक्षक हेमराज जोशीले जानकारी दिए ।

दार्चुलामा गरिएको टेस्टको रिपोर्ट भने आइतबार आउने उनले बताए । उनका अनुसार र्‍यापिड टेस्टको रिपोर्ट पोजेटिभ देखाएमा थप पुष्टिका लागि पीसीआर परीक्षण गरिने छ ।

पहिलो चरणमा ५ हजार किट आएकोमा त्यसले अपुग हुने देखिएपछि शुक्रबार थप ५ हजार किट आएको उनले बताए । थप किट आएपनि सुदूरपश्चिम प्रदेशमा अझै १० हजार किट अपर्याप्त हुने जोशीले बताए । – onlinekhabar