पदमबहादुर सिंह / बाजुरा २९चैत्र- बाजुरा जिल्लाको जगन्नाथ गाउपालिकाले बिपन्न परिवारलाई खाद्यन्न सहयोग गरेको छ । गाउपालिकाका प्रत्येक वडाहरुबाट बिपन्न परिवारको तथ्याङ्क संकलन गरेर खाद्यन्न बितरण गरिएको गाउपालिकाका रोजगार संयोजक लक्ष्मण जोशीले जानकारी दिए ।

चैत्र २३ गते गाउकार्यपालिकाको आकस्मिक बैठक बसि दैनीक ज्यालादारी काम गरि जिबीको पार्जन गर्ने र वडाका बिपन्न परिवारको तथ्याङ्क संकलन गरेर प्रत्येक परिवारलाई २ हजारका दरले खाद्यन्न सहयोग गर्ने निर्णय गरेको थियो ।

उक्त निर्णय अनुरुप वडा नम्वर १ का १४ परिवार, वडा नम्वर २ का १३ परिवार, वडा नम्बर ३ का १० परिवार, वडा नम्बर ४ का १४ परिवार, वडा नम्बर ५ का १३ परिवार र वडा नम्वर ६ का १६ परिवार गरि जम्मा ८० बिपन्न परिवारलाई चामल दाल नूत तेल सहयोग गरेको जोशीले बताए ।

लामो लकडाउनका कारण दैनीक चुलो बाल्न गाह्रो भएका परिवार सम्बन्धित वडा का वडा अध्यक्ष अन्य जनप्रतिनिधि कर्मचारी लगाएले बिपन्न परिवारको तथ्याङ्क संकलन गरिएको उनले बताए ।
गाउपालिकाले ५० जना भारतबाट आएको तथ्याङ्क संकलन गरेको छ ।

भारतबाट आएकाहरु होम क्वारेन्टाईनमा रहेका र तिनिहरुको सम्बन्धित वडाका जनप्रतिनिधि स्वास्थ्यकर्मीहरुले निगरानी गरिरहेको बताए । गाउगाउमा कोरोनाको चेकजाचमा खटिएका स्वास्थ्यकर्मीहरुको लागि गाउपालिकाले ६० प्रतिशत प्रोत्साहन भत्ता दिने निर्णय गरेको गाउपालिकाका अध्यक्ष कालिबहादुर शाहीले जानकारी दिए ।

कोरोनाको तरास तथा चेकजाच उपकरण बिना जोखीम मोलेर उपचारमा तल्लीन स्वास्थ्यकर्मीको होसोला स्वारुप प्रोत्साहन भक्ताको ब्यवस्था गरेको शाहीले बताए ।

गाउपालिकाको प्रत्येक वडामा २ जना र गाउपालिकाको सिमानामा र पुलमा चार जना गरि १६ जना स्वयम सेवक राखिएको र गाउपालिकामा बाहिरको मान्छे नआउन पाउन्छन न बाहीर नजान दिएको उनले बताए ।

बिश्वमा औषधि पत्ता नलाएको अबस्थामा कोरोनाको नियुनीकरण गर्ने मुख्य उपाए लक डाउन भएकोले यस्तो कठोर निर्णय गरेको शाहीले बताए ।

गाउपालिकाकामा ३४ बेडको क्वारेन्टाईन बनाएको छ । कोरोना रोकथाम तथा न्यूनिकरणको लागि २० लाखको राहात कोष स्थापना गरेको छ ।