सुर्खेत – वीरेन्द्रनगरको क्वरेन्टीनमा राखिएका पाँच जनाको कोरोना परीक्षण रिपोर्ट नेगेटिभ आएको छ । 

भारतबाट फर्किएका उनीहरुलाई वीरेन्द्रनगरको खुल्लामञ्चमा रहेको क्वरेन्टीनमा राखिएको थियो । उनीहरुलाई क्वरेन्टीनमा राखिएको १४ दिनपछि कोरोना भाइरस परीक्षण गरिएको थियो । 

यसअघि भारतबाट आएका कर्णालीका विभिन्न जिल्लाका एकसय ८३ जनाको रिपोर्ट नेगेटिभ आएपछि उनीहरुलाई घर पठाइएको थियो । 

क्वरेन्टीनमा राखिएका पाँचै जना दैलेखका हुन । उनीहरुलाई आज नै घर पठाउने तयारी गरिएको छ ।