अछाम ।

जिल्लामा पहिलो पटक एक जनामा आरडीटी परिक्षणमा एण्टीबडी पोजेटिभ देखिएको छ । जिल्लाको बान्नीगढी जयगढ़ गाँउपालिकामा आरडीटी टेष्टका क्रममा एक जनामा एण्टीबडी पोजेटिभ देखिएको हो ।

स्वास्थ्य कार्यालय अछामको नेतृत्वमा खटिएको टोलीले गाँउपालिकाका ७१ जनाको आरडिटी परिक्षण गरेको थियो । जसमा एक जनाको एण्टीबडी पोजेटिभ देखिएको स्वास्थ्य कार्यालय अछामले जनाएको छ ।

गाँउपालिकामा जिल्ला बाहिरबाट केहि दिन पहिले मात्र ८ जना भित्रिएका थिए । क्वारेण्टाईनमा राखिएका तिनै ८ जना मध्येका एकमा एण्टीबडी पोजेटिभ देखिएको हो ।

कोरोना भए नभएको पुष्टीका लागि स्वाब संकलन गरेर सेती प्रादेशिक प्रयोगशाला पठाईने र हाल उनलाई थप जाँचका लागि बयालपाटा असपतालको आईश्वलेसन वार्डमा राखिने राखिने बताईएको छ ।