कमल रावल, अछाम

मंगलसेन नगरपालिका वडा नम्बर १२ बान्नातोलीका दाजुभाईले भारतमा सुरु गरेको कोरोना बिपद ब्याबस्थापन उद्दार राहत कोषमा हालसम्म ८० हजार राहत घोषणा भएको छ ।

स्थापना गरेको १० दिनमा भारतमा विभिन्न राज्यमा बसोबास गर्दै आएका दाजुभाईले घोषणा गरेको आर्थिक सहयोग गर्ने ६८ जना मार्फत ८० हजार भएको बताईएको छ ।

कोरोनाभाईरसको संक्रमणका कारण नेपाल तथा भारत पुर्ण रुपमा लकडाउन अर्थात निशेधाज्ञा भएका बेला समस्या परेका नेपालीलाई राहत जुटाउने उद्देश्यले कोषले आर्थिक रकम सँकलनको थालनी गरेको संयोजक केशर रावलले बताउनु भयो ।

यतिबेलाको समस्य अभियान गरेर राहत संकलन गर्न नसकिने भएकाले समाजिक संञ्जालबाट समुह मार्फत कुराकानि गरेर राहत जुटिरहेकाले चाँडै भारतमा अलपत्र परेका दाजुभाईलाई सहयोग गरिने रावलले बताउनु भयो ।

भारतमा अलपत्र परेकालाई उद्धार सहीत सहयोग गरिसकेपछि बान्नातोलीमा समेत कुनै समस्या आईपरे सहयोग जुटाउने उहाँले बताउनु भयो । भारतमा बान्नातोलीका दाजुभाईले थालेको अभियानमा साथ दिएर आर्थिक सहयोग गरिदिन प्रचारप्रसार बिभागका मोहन शाहले आग्रह गर्नु भएको छ ।