बुथबाट स्वाब संकलन गर्दा जोखिम कम हुने : डा. गौचन

अछाम

न्याय हेल्थ नेपाल बयालपाटा अस्पतालमा कोरोना भाईरसको लागि स्वाब संकलन गरिने सुरक्षित उपकरण बुथ जडान गरिएको छ ।

अस्पताल परिसरमा कोभिड १९ को संकास्पद बिरामीको स्वाब संकलन गर्न नमुना संकलन बुथ स्थापना गरिएको स्वास्थ्य सेवा निर्देशक डाक्टर बिकाश गौचनले बताए ।

गैरसकारी संस्था एस नेपालको आर्थिक सहयोग र साँफेबगर नगरपालिकाको समन्वयमा नमूना संकलन वुथ स्थापना गरिएको हो । करिब १ लाख ५ हजारको सहयोग उक्त वुथको निर्माण गरिएको हो ।

स्थापना गरिएको नमूना संकलन वुथबाट स्वाब संकलन जोखिम नहुने निर्देशक डा. गौचनले बताए । वुथ संकलनमा बसेर स्वाँव निकाल्दा पिपिई सेटको प्रयोग गर्न नपर्ने समेत उहाँको भनाई छ ।

सोही क्रममा साँफेबगरका नगर प्रमुख कुलबहादुर कुवँरले अस्पतालमा कोरोना भाईरसको चेकजाँचको लागि चाहिने थप उपकरणको वारेमा निर्देशक डा. गौचनसँग जानकारी लिएका थिए ।

एस नेपालको आर्थिक सहयोगमा नमूना संकलन वुथ जिल्ला अस्पताल मंगलसेनमा पनि राखिने भएको छ । नमूना संकलन वुथ भित्र वत्ति, पंखा र स्वाँव संकलनको लागि पिपिई पन्जाको व्यवस्था समेत रहेको छ ।