अछाम ।

जिल्ला प्रशासन कार्यालय अछामले एक सुचना जारी गर्दै जिल्लामा बाहिर बाट आउने ब्याक्तीले अनिवार्य रुपमा २१ दिनसम्म क्वारेन्टाईनमा बस्न आग्रह गरेको छ ।

प्रमुख जिल्ला अधिकारी पुण्यविक्रम पौडेलले बिहीबार एक सुचना जारी गर्दै जिल्ला वाहिरबाट आएका व्यक्तिले अनिवार्य रुपमा २१ दिनसम्म क्वारेन्टाईनमा बस्नु पर्ने निर्देशन दिएका छन् ।

यदी नबस्ने ब्याक्तीलाई रोग सङ्क्रमण ऐन अनुसार कारवाही गरिने बताएका छन् । यस्तै लुकिछिपि जिल्ला भित्र प्रवेश नगर्न पनि भनिएको छ ।

सरकारले जारी गरेको लकडाउन तथा निषेधाज्ञालाई पूर्ण रुपमा पालना गर्दै आफू जहाँ रहको छ, त्यही ठाउँमा बस्न भनिएको छ ।

यस्तै लकडाउको समयमा खाद्यान्न तथा औषधी उपचारको आवश्यक परेमा सम्बन्धित स्थानीय तह सङ्ग समन्वय गर्न जारी सूचनामा भनिएको छ । यसअघि देश वाहिरबाट आएका व्यक्तिलाई मात्रै क्वारेन्टाईनमा राखिदै आएको थियो ।