पूर्ण बहादुर खड्का, अछाम

नेशनल लाईफ इन्सोरेन्स कम्पनी साँफेबगर शाखाका प्रमुख तथा समाजसेवी दिपक खड्काले आफ्नो जन्म दिनको अवसरमा बयालपाटा अस्पताललाई आर्थिक सहयोग गरेका छन् ।

२९ बर्ष पुरा भई ३० बर्ष प्रबेश गरेको अवसरमा शाखा प्रमुख खड्काले अस्पतालको सहयोगार्थ १२ हजार १२ रुपयाँ आर्थिक सहयोग गरेका हुन् ।

जन्म दिनमा फजुल खर्च गरेर जन्म दिन मनाउनु भन्दा सामाजिक कार्य गर्नु राम्रो भएको भन्दै खड्काले आफुले बयालपाटा अस्पताललाई सहयोग गरको उल्लेख गर्नुभयो ।

जन स्तरबाट बयालपाटा अस्पतालका लागि आर्थिक अभियान सुरु गरिएले आफुले पनि अस्पतालले यस क्षेत्रका जनतालाई दिएको निशुल्क स्वास्थ्य सेवा उल्लेख रहेको भन्दै आफुले सहयोग गरेको बताए ।

कोरोना भाईरस संग जुध्न व्यक्तीगत सुरक्षाका सामाग्री, औषधी र उपकरणको व्यावस्थापनका लागि सामाजिक उत्तरदायित्वको परोपकारी भावनाले जनस्तरबाट अस्पताललाई सहयोगको अभियान थालनी गरिएको छ ।

यसै अवसरमा विभिन्न व्यक्ती तथा संघसस्थाले बयालपाटा अस्पताललाई स्वस्फुर्त सहयोग गरिरहेका छन् ।

अस्पतालको स्वास्थ्य सेवा दिर्घकालिन रुपमा लैजानका लागि यस्ते परोपकारी मनहरुको खाँचो रहेको बयालपाटा अस्पतालका स्वासथ्य सेवा निर्देशक डाक्टर बिकाश गौचनले बताए ।

परोपकारी भावनाले सहयोग गर्न चाहेमा स्वच्छिक रुपमा सिधैँ न्याय हेल्थ नेपाल, बयालपाटा अस्पतालका निम्न खातामा आर्थिक जम्मा गर्न सकिनेछ।

मेगा बैँक नेपाल, खाता नं. ०३०००१००४२००१ – Nyaya Health Nepal- Bayalpata Hospital
कृषि विकास बैँक, खाता नं. ८२२७००६५०६९४०१९ – Bayalpata Hospital