यस्तो हुनेछ तीन दिनको मौसम

काठमाडौं- प्रि मनसुन सुरु भएसँगै केहि दिनदेखि लगातार परेको चट्याङ, असिना र हावाहुरीसहितको वर्षा आज (आइतबार) पनि हुने भएको छ ।

आज पश्चिमी भू-भागका केहि स्थानमा र मध्य र पूर्वी भूभागका केहि स्थानहरुमा मेघगर्जन/चट्याङ्ग र हावाहुरी सहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ । काठमाडौं उपत्यकामा पनि वर्षा हुने महाशाखाकी मौसमविद् विभुति पोखरेलले जनाकारी दिइन् ।

उनका अनुसार देशका पश्चिमी क्षेत्र, तराई तथा पहाडका केही स्थानमा बिहानैदेखि मौसम बद्लि भएपनि दिउँसोबाट देशैभरको मौसम बद्लिने र देशका अधिकांश भागमा वर्षा हुने छ ।

आज देशभरि नै हावाहुरी, मेघगर्जन, चट्याङ र असिनासहित वर्षाको सम्भावना रहेको उनले बताइन् । उनले भनिन्– हिजो अस्ति देशका विभिन्न भूभागमा मेघगर्जनसहित वर्षा हुने गरेको थियो, आज र भोलि देशैभर वर्षाको सम्भावना देखिएको छ ।

पश्चिमी वायु र स्थानीय वायुबीचको ठक्करका कारण ठाउँ ठाउँमा चट्याङ र हावाहुरीको सम्भावना पनि देखिएको मौसमविद् विभुति पोखरेलले जानकारी दिइन् ।

आज (आइतबार) र भोलि (सोमबार) वर्षा, हावाहुरी, चट्याङको ठूलो सम्भावना रहेकाले सतर्क रहन मौसमपूर्वानुमान महाशाखाले अनुरोध गरेको छ ।

यस्ताे हुनेछ आगामी तीन दिनकाे माैसम

वैशाख १४ गते (आईतबार)

दिउँसोः देशभर सामान्य बदली रही केहि स्थानहरुमा मेघगर्जन/ चट्याङ्ग/ असिना र हावाहुरी सहित हल्कादेखि मध्यम वर्षाको सम्भावना रहेको छ।

राति: देशभर सामान्य बदली रही केहि स्थानहरुमा मेघगर्जन/ चट्याङ्ग/ असिना र हावाहुरी सहित हल्कादेखि मध्यम वर्षाको सम्भावना रहेको छ।

वैशाख १५ गते (सोमबार)

दिउँसोः देशभर सामान्य बदली रही अधिकांश स्थानहरुमा मेघगर्जन/ चट्याङ्ग / असिना र हावाहुरी सहित हल्कादेखि मध्यम वर्षाको सम्भावना रहेको छ।

रातीः देशभर सामान्य बदली रही अधिकांश स्थानहरुमा मेघगर्जन/ चट्याङ्ग/ असिना र हावाहुरी सहित हल्कादेखि मध्यम वर्षाको सम्भावना रहेको छ।

वैशाख १६ गते (मंगलबार)

दिउँसोः देशभर सामान्य बदली केहि स्थानहरुमा मेघगर्जन/ चट्याङ्ग/ असिना र हावाहुरी सहित हल्का देखि मध्यम वर्षाको सम्भावना रहेको छ।

राति: देशभर सामान्य बदली केहि स्थानहरुमा मेघगर्जन/ चट्याङ्ग / असिना र हावाहुरी सहित हल्कादेखि मध्यम वर्षाको सम्भावना रहेको छ।