धनगढी : सुदूरपश्चिम प्रदेश सरकारले प्रदेशका जिल्लामा उत्पादित खाद्य सामग्री अन्य जिल्लामा नपठाउन नगर्न निर्देशन दिएको छ।

प्रदेशको मुख्यमन्त्री तथा मन्त्रिपरिषद्को कार्यालयले आइतबार सार्वजनिक गरेको निर्णयअनुसार भविष्यमा खाद्य संकट हुन सक्ने भन्दै प्रदेशका जिल्लाहरुमा उत्पादित खाद्य वस्तु बाहिरी जिल्लामा पठाउन रोक लगाएको हो। 

प्रदेश मन्त्रिपरिषद्ले आन्तरिक मामिला तथा कानुन मन्त्रालय र भूमि व्यवस्था, कृषि तथा सहकारी मन्त्रालयलाई निर्देशन दिइएको जनाइएको छ।