रगत अभावमा आमा गुमाएको पिडा सम्झीदैँ रक्तदान गरिरहेको बोहराको भनाई

पूर्ण बहादुर खड्का, अछाम ।

स्वास्थ्यकर्मी भबेन्द्र बोहराले ४६ औँ पटक रक्तदान गरेका छन् । न्याय हेल्थ नेपाल बयालपाटा अस्पतालमा कार्यरत स्वाथ्यकर्मी बोहराले बिरामीको जीवनदानका लागि ४६ औँ पटक सम्म रक्तदान गरेका हुन् ।

बयालपाटा अस्पतालको मानसिक स्वास्थ्य शाखाको मनोपरार्मश कर्ता कार्यरत बोहराले रगतको अभावमा कसैले पनि ज्यान गुमाउन नपरो भनेर रक्तदान गर्दै आईरहेको बताए ।

आफु १३ बर्षको हुदाँ आफ्नो आमाले रगत अभावमा ज्यान गुमाउनु परेको पिडा सुनाउदैँ बोहराले आफ्नो आमा जस्तै कैयौँ आमा र अन्य बिरामीले पनि रगत अभावमा अकालमै ज्यान नजावस भनेर सयम समयमा रक्तदान गर्दै आईरहेको उल्लेख गरे ।

आफनो आमाले बच्चा पाउने बेलामा हेमोग्लोविनको मात्रा कम भएर २०५८ सालमा भेरी अस्पतालमा छट्पटाईरहदाँ त्यो बेला रक्तदान गर्ने मान्छे नपाएर आमा गुमाएको बोहराले दुखेसो पोखे ।

चौरपाटी गाँउपालिका पायलमा घर भएका बोहराले त्यसपछिका दिनहरुमा आफ्नो आमाले रगत अभावमा ज्यान गुमाएको पिडा सम्झिदैँ उहाँको सम्झनामा रक्तदान गर्दै आईरहेको बताए ।

कसैले पनि रगत अभावमा ज्यान गुमाउन नपरोस भनेर आफु धनगढीमा स्कुल पढ्नेक्रममा १८ बर्षको हुदाँ पहिलो पटक रक्तदान गरेको बताए ।

जन्मदिनको अवसरमा नेपाल रेडक्रस सोसाईटीले स्थापना गरेको ब्लड बैँकमा गएर बोहराले पहिलो पटक रक्तदान गरेको स्मरण गरे ।

बुधबार मात्र एनिमिया भएको बिरामीलाई रगतको मात्रा कम भएकाले आफुले ४६ औँ पटक रक्तदान गरेको बोहराले उल्लेख गरे ।

विभिन्न समयमा पटक पटक रक्तदान गर्दै आईरहनु भएका बोहरा धेरै पटक रक्तदान गर्ने सम्भवत् जिल्लामा पहिलो व्यक्त हुनुहुन्छ ।