स्थापना दिवसको अवसरमा रक्तदान

धनगढी : धनगढी जेसिजले ३८ औँ बर्षमा प्रबेश गरेको छ । जेसिज अभियानमा यूवाहरलाई सहभागी गराई बिधिको शासन, बन्धुत्वको भावना र मानवताको सेवालाई आर्दश मान्दै यूवाको नेतृत्व र व्यक्तीत्वमा महत्वपूर्ण भुमिका खेल्दै आफ्ना ३७ औँ बसन्त पुरा गरेर धनगढी जेसिज ३८ औँ बर्षमा प्रबेश गरेको हो ।

धनगढी जेसिजले स्थापना दिवसका अवसरमा शनिबार रक्तदान कार्यक्रम गरेको छ । स्थापना दिवसका अवसर आज धनगढीमा आयोजना गरेको रक्तदान कार्यक्रममा २६ पिन्ट रगत संकलन भएको छ ।

मानवताको सेवा अन्तरगत शनिबार रक्तदान कार्यक्रम गरिएको धनगढी जेसिजका कार्यक्रम संयोजक मनिष कुवँरले बताए । लकडाउनका बेला अस्पतालहरुमा हुने रगतको अभावलाई ध्यानमा राख्दै जेसिजले स्थानपना दिवसमा रक्तदान कार्यक्रम गरेको जनाएको छ ।

धनगढी जेसिजका अध्यक्ष श्याम पाठकले स्थापना दिवसका अवसरमा वक्तव्य जारी गर्दै स्थापना कालदेखि विभिन्न वर्षमा जेसिजको सफल नेतृत्व गरेकाहरुलाई कृतज्ञता ज्ञापन गरिएको छ । पाठकले जारी गरेको वक्तत्वमा संस्थापक सिनेटर रघुनाथ पाठक र स्थापना कालदेखि विभिन्न वर्षमा सफल नेतृत्व गर्नेहरुलाई कृतज्ञता ज्ञापन गरिएको हो ।

यस्तै स्थापना दिवसको अवसरमा नेपाल जेसिजले शुभकामना व्यक्त गर्दै धनगढी जेसिजले गरेका कामको मुक्तकण्ठले प्रशंसा गरेको छ । राष्टिय अध्यक्ष जेसिआई सिनेटर अशोक शंकरद्धारा जारी व्यक्तव्यमा बर्ष २०२० लाई सफल पार्न शुभकाना व्यक्त गरिएको छ ।

यस्तै धनगढी उपमहानगरपालिका, कैलालीबाट निर्वाचित प्रतिनिधी सभा सदस्यहरुले समेत स्थापना दिवसको अवसरमा शुभकामना व्यक्त गरेका छन् ।