कमल रावल, अछाम

अछाम जिल्लामा लकडाउन अर्थात बन्दाबन्दी फितलो भएको देखिएको छ । जिल्ला सदरमुकाम मंगलसेन लगाएत जिल्ला भरका ठुला देखि स्थानिय बजारमा मानिसहरूको आवातजावत सहित बाक्लो उपस्थिती देखिने गरेको छ ।

सदरमुकाम मंगलसेन बजारमा आईतबार, सोमबार र मंगलबार लगाएर दैनिक जसो ३ सय देखि ४ सय मानिसको बाक्लो उपस्थिती देखिएको थियो । बजारमा गाउ गाउबाट बैँक तथा दैनिक उपभोग्यका सामान ल्याउछौँ भनेर बाक्लो रूपमा बजार आउने गरेका ब्यापारिले बताईरहेका छन ।

आईतबार ईनभेष्टमेन्ट बैँक अगाडि देखि महालक्ष्मी बिकास बैँक सम्म लामो लाईनका साथै बजारमा घुमिरहेका थिए ।त्यसैगरि सोमबार र मंगलबार समेत बजार क्षेत्रमा बाक्लो भिड नै रहेको थियो ।

दैनिक जसो जिल्लामा बिना पासका सवारी साधन समेत दिउसोको समय त चलेका नै छैन रातिको समयमा समेत ओहोरदोहोर जानेका गरेका नागरिकको गुनासो रहेको छ । यसरी जिल्ला सदरमुकामा लकडाउन फितलो हुदै गएपछि स्थानिय गाउमा समेत बन्दाबन्दीको प्रभाब पर्न सकेको छैन ।

यतिबेलाको समयमा माछा मार्ने, जँगल तिर चोरी सिकारी सहित जडिबुटि सँकलन गर्ने लगाएतका क्रियाकलाप समेत बढेको पाईएको छ । तर यता जिल्ला कमाण्ड समितीका संयोजक तथा प्रमुख जिल्ला अधिकारी पुण्य विक्रम पौडेलले लकडाउन खुकुलो नभएको बताउनु भएको छ ।

आईतबार बैँक तथा बित्तिय संस्थालाई सामाजिक दुरि कायम गरि काम गर्न अनुरोध गर्दा कार्यान्वयन नभएकाले अब कडाई गरिने बताउनु भयो । अब देखि यसलाई कडाई गर्ने प्रहरीको टोलि नियमित खटाईने बताउनु भयो ।

सरकारको बन्दान्दीको नियम गर्ने कसैलाई पनि छुट नहुने भएकाले कारबाही गरिने बताउनुभयो । जिल्ला कमाण्ड समितीको बैठक नै गरेर सिमानाकामा कडाईका साथै हरेक बजार क्षेत्रमा प्रहरी सक्रियता बढाईने बताउनुभयो । यतिबेलाको समय कोरोनाभाईरसबाट जित्नु भएकाले हरेकले नियम पालना गर्नुे पर्नेमा जोड दिनु भएको थियो ।