गीता कुँवर, अछाम

भारतमा रहेका अधिकाश अछामीहरुले कोरोना भाईरसका कारण रोजगार गुमाउन पुगेका छन् । जिल्लाका अधिकाश स्थानीयहरु भारतको कमाईमा निर्भर रहेका छन् ।

लकडाउ पछि अधिकाश रोजगार गुमाएर घर फर्किका छन् भने केहिको भारतको बिभिन्न शहरमा बिचल्लीमा परेका छन् । ढकारी गाउँपालिकाका ५ का नरेन्द्र साउद भारतको पिथौरागढबाट बैशाख २० गते गाउ फर्किएका छन् ।

उनी पिथौरागढमा सडक निमार्णका लागी काम गर्दे आएका थिए । अहिले रोजगार गुमेपछि घरपरिवार कसरी पाल्ने भन्ने चिन्ताले सताउन थालेको बताए ।

भारतको कमाईले घरको चुलो बल्ने गरेको र अहिले पिथौरागढबाट रित्तो हात फर्किनु परेको पिथौरागढबाट फर्किनु भएका अर्का खडग बहादुर साउदले दुखेसो पोखे ।

अछामका अधिकाश परिवार घरको चुलो भारतको कमाईबाट बल्ने गर्छ । भारतको रोजगारमा निर्भर रहेका स्थानीय बासिन्दाहरु अहिले चिन्तित छन् । अछामका स्थानीय तहहरुले स्थानीय स्तरमै रोजगारको व्यवस्था गर्ने भनेपनी यहाँका अधिकाश पुरुषहरुको अझै पनी कमाउन भारत जानुपर्ने बाध्यताको अन्त्य हुन सकेको छैन ।

स्थानीय तहहरुको तथाक अनुसार जिल्लामा चैत १ गते यता ३ हजार ३ सय २१ जना भारत तथा तेस्रो मुलुकबाट भित्रिएका छन् ।

मेल्लेख गाउँपालिकामा ५ सय ७४, रामारोशन गाउँपालिकामा २ सय ४७, पञ्चदेवल बिनायक नगरपालिकामा १ सय २० चौरपाटी गाउँपालिकामा ९०, ढकारी गाउँपालिकामा ६ सय १९ तुर्माखाँद गाउँपालिकामा ३ सय ९०, कमलबजार नगरपालिकामा २ सय १४, मंगलसेन नगरपालिकामा ६ सय २२, बान्नीगढी जयगढ गाउँपालिकामा २ सय ९९, साँफेबगर नगरपालिमा १ सय ४३ भारतबाट भित्रिएका छन् ।