संक्रमित ७८ हजार नाघ्यो

काठमाडौं- तिब्र गतिमा फैलिएको कोरोना भाइरसबाट भारतमा एकै दिनमा (बुधबार) १३६ जनाको मृत्यु भएको छ ।

पछिल्लो २४ घण्टामा ३ हजार ७ सय २५ जना संक्रमित थपिएका छन् । भारतमा पछिल्लो दुई सातायता प्रत्येक दिन औसतमा ३ हजार ५ सयभन्दा बढि नयाँ संक्रमित भेटिने गरेको छ ।

मृत्युदर बढ्दै गएको भारतमा बुधबार १३६ जनाको मृत्यु भएको थियो भने मंगलबार १२० जनाले ज्यान गुमाएका थिए । सोमबा ८१ जनाको मृत्यु भएको थियो ।

भारतमा अहिलेसम्म कोरोनाबाट ७८ हजार ५५ जनामा संक्रमण पुष्टि भएको छ भने २ हजार ५ सय ५१ जनाको मृत्यु भएको छ ।

संक्रमित र मृतक सबैभन्दा बढि महाराष्ट्रमा रहेका छन् । जहाँ २५ हजार ९ सय २२ जना संक्रमित भएका छन् भने ९ सय ७५ जनाको मृत्यु भएको छ ।

दोस्रो बढि प्रभावित राज्य गुजरातमा ९ हजार २ सय ६८ जना संक्रमित छन् भने ५ सय ६६ जनाको मृत्यु भएको छ । यस्तै तमिलनाडुमा ९ हजार २ सय २७ जना संक्रमित भएका छन् भने ६४ जनाको मृत्यु भएको छ ।

दिल्लीमा ७ हजार ९ सय ९८ जनामा संक्रमण पुष्टि भएको छ भने १ सय ६ जनाको मृत्यु भएको छ । राजस्थानमा ४ हजार ३ सय २८ संक्रमित भएका छन् भने १ सय २१ जनाको मृत्यु भएको छ । – neapal samaya