गीता कुँवर, अछाम

– अछामको पहिचान बोकेको ऐतिहासिक अछाम दरवार बाह्र बर्षदेखि निर्माधिन अवस्थामा रहेको छ । जिल्लामा अन्य बिकास निमार्णका कार्य रोकिएका बेला भने दरवारको कामले अहिले तिब्रता लिएको छ । अन्य समयमा बिभिन्न बहानामा काम रोकिदै सुरु हुदै भएपनी यो बेला दरवाको काम निरन्तर चलिरहेको छ । निमार्णको कामले राम्रोसंग निरन्तरता नपाएको दरवारको काम भने लकडाउनका बेला जारी छ ।

ठेकेदारले काठको अभावको कारण देखाउदै दरवार निमार्णका काम रोकिदै बन्दै गरेको थियो । अहिले दरवारको काम करिब ८० प्रतिशत सम्पन्न भएको निमार्णको जिम्मा पाएको साउद कन्ट्रक्सनका प्रोपाईटर जयबहादुर साउदले बताउनु भयो । उहाले आवश्यक काठ उपलब्ध भए यो आर्थिक वर्ष भित्रै निमार्ण सक्ने गरी काम जारी रहेको बताउनु भयो ।

दरवारको धुरी चिनाईको काम१५ दिनको मात्र रहेको र अहिले काठको काम भईरहेको साउदले बताउनु भयो । दरबार निर्माणको ठेक्का २ करोड २५ लाखमा स्वीकृत भएको थियो ।तर हालसम्म मंहगीका कारण ४ करोड भन्दा लगानी दरवारका लागीसकेको उहाले बताउनु भयो । अहिलेसम्म १ करोड २० लाख भुक्तानी लिएको साउदले बताउनु भयो ।

तत्कालिन नेकपा माओवादीको आक्रमणका क्रममा ०५८ फागुन ४ गते अछाम दरवार ध्वस्त भएको थियो । दरबार पुनर्निर्माणको काम ०६५ मै सुरु भयो । ७ वर्ष देखि अवरुद्ध भएको काम फेरी ०७५ भदौ पहिलो सातामा सुरु भएको थियो । आफुले पटक पटक ठेकेदारलाई काम गर्न दबाब दिदै आएको जिल्ला समन्वय समीतीका प्रमुख नरबहादुर कुव“रले बताउनु भयो । ठेकेदारले यो आर्थिक वर्षमा निमार्ण सक्ने प्रतिबद्धता जनाएका उहाले बताउनु भयो ।