पञ्चदेवल विनायक नगरलिकामा पहिलो पटक अल्ट्रासाउण्ड मेसिनबाट गर्भजाँच सुरु भएको छ । नगरपालिकाको ५ नम्बर वडामा रहेको लयाँटी स्वास्थ्य चौकीमा गर्भजाँच सुरु गरीएको हो ।

नगरपालिकाका सबै वडाका महिलाहरुलाई सेवा दिने उदेश्यले मेसिन खरिद गरीएको नगरपालिकाले जनाएको छ । नगरपालिकाको यसै आर्थिक बर्षको बजेटबाट मेसिन खरीद गरीएको हो ।

पञ्चदेवल विनायक नगरपालिकाका उप प्रमुख अम्बिका चलाउनले नगरका सबै गर्भवति महिलाहरुले आफ्नो गर्भको बच्चाको अवस्थाका बारेमा थाहा पाउनको लागी मंगलसैन र अन्यत्र जानुपर्ने बाध्यता अब हटेको बताउनु भयो । उहाँले महिलाहरुले भोगीरहेका सबै समस्याहरु एक पछि अर्को गर्दै समाधानका लागी नगरपालिकाले काम गरीरहेको बताउनु भयो ।

उप प्रमुख चलाउनेले नगरपालिकाको जुनसुकै वडाका गर्भवति महिलालाई बच्चा जन्माउनको लागी बाहिर लिनु पर्दा निसुल्क एम्बुलेन्सको व्यवस्था गरीने घोषणा गर्नुभयो । अल्ट्रासाउण्ड मेसिनले गर्भमा रहेको बच्चाको अवस्थाबारे जानकारी हुने लयाँटी स्वास्थ्य चौकिका अनमी दुर्गा शाहीले बताउनु भयो ।

उहाँका अनुसार बच्चाको मुटुको धड्कन र शारिरिक अवस्थाको बारेमा मेसिनले जानकारी दिनेछ । कतिपय अवस्थामा महिलाको पाठेघर भन्दा तल नै बच्चा बसेको हुन्छ यदी यो अवस्था सुरुमै पत्ता लगाउन सके महिलाको ज्यान जोगाउन सकिने उहाँको भनाई छ ।