गीता कुँवर, अछाम ।

जेठ महिना सुरु भएसंगैँ रोपाईको चटारो सबैतिर छ । अहिले कृषहरुलाई मानो रोपेर मुरी उब्जाउन भ्याई नभ्याई छ । सिचाई सुविधा पुगेका खेतमा बैशाख अन्तिम साता देखि सुरु भएको छ । यति बेला रोपाई गरेर कतिपय महिलाहरुलाई आम्दानी गर्ने स्रोत बनेको छ ।

घरमा कमाउने कोही छैन, श्रीमान्लाई रक्सी खानबाट फुर्सद मिल्दैन, रोपाईको सिजन आयो भने घर खर्च चलाउन सजिलो हुन्छ । कहिलेकाहि छोरीको पढाईको खर्च समेत जोहो हुने गरेको छ । छोरीको पढाई खर्च जुटाउन निकै समस्या छ उनले भनिन् ।’ बिहान रोपाई गर्न गयो भने ३ सय र दिउँसो रोपाई गर्न गए ४ सय रुपैयाँ लिने गरेको उनले बताईन् ।

पबि कोली
साँफेबगर नगरपालिका वडा नम्बर ३

साँफेबगर नगरपालिका वडा नम्बर– ३ की पबि कोलीलाई पनी अहिले रोपाईबाट फुर्सद नै छैन । उनले अरुको खेत रोपे बापत एक दिनकोे ३ देखि ४ सय सम्म लिने गरेकी छन् । आयआर्जनको कुनै बाटो नभएकाले पबिलाई रोपाईको सिजनबाट कमाई हुने र घर खर्च चलाउन केहि सहज हुने गरेको उनले बताईन् ।

धरु बिकको पनी यति बेला आम्दानीको सा्रेत रोपाई बनेको छ । जेठ महिना भित्र उनले ४ हजारसम्म आम्दानी गरेको बताईन् । ‘असारको अन्तिमसम्म पानी खाने फुर्सद नै हुदैन उनले भनिन् रोपाईको पैसाले नुन तेल किन्न सजिलो भएको छ ।

पैसा आउने बाटो कतैबाट पनी छैन । रोपाईको सिजनले राहत मिलेको छ । रोपाई गर्दिनु पर्याे भनेर धेरै मानिसहरु घरमै पैसा दिन आउँछन् । समय नभएर केहिको त पैसा फिर्ता समेत गरेको छु ।’ पबि र धरु मात्र होईनन् उनी जस्ता आय सो्रत नभएका धेरै महिलाहरु रोपाई गरेर खर्च जुटाउने गर्दछन् ।