काठमाडौं– राष्ट्रिय प्रजातन्त्र पार्टीका अध्यक्ष कमल थापाले राजाको तस्बिर अंकित नोट निषेध गर्ने निर्णय इतिहास मेटाउने पूर्वाग्रही काम भएको बताएका छन्।

थापाले भनेका छन्, ‘राष्ट्रिय अखण्डताको रक्षा गर्न देश एक ढिक्का हुनुपर्ने बेला भएको यस्तो निर्णयले राष्ट्रिय एकतालाई कमजोर पार्छ।’

इतिहास मेटाउने र राष्ट्रवादी शक्तिलाई विभाजित गर्ने निर्णय तत्काल फिर्ता गर्न पनि थापाले आग्रह गरेका छन्।

सरकारले आइतबार मात्रै पूर्वराजाको तस्बिर भएका नोट बजारमा नपठाउने निर्णय गरेको थियो।