कोरोना भाइरसको महामारीबाट विश्वभर ५६ लाख ७८ हजारभन्दा बढी मानिस संक्रमित भएका छन्। पछिल्लो २४ घण्टामा मात्रै झण्डै ९५ नयाँ संक्रमित थपिएका छन्।

कोरोनाका कारण ज्यान गुमाउनेको संख्या ३ लाख ५१ हजार ६ सय ३८ पुगेको छ। विश्वभरी एकैदिन ४ हजार २५ जनाको मृत्यु भएको छ। 

जोन्स हप्किन्स विश्वविद्यालयको तथ्यांकअनुसार कोरोनाबाट सबैभन्दा बढी प्रताडित अमेरिका छ। त्यहाँ कुल संक्रमितको संख्या १६ लाख ८० हजारभन्दा बढी छ भने ज्यान गुमाउनेको संख्या १ लाख नाघेको छ।

कोरोना महामारीको पछिल्लो हटस्पट ब्राजिलमा कुल संक्रमितको संख्या अमेरिकापछि सबैभन्दा धेरै छ।

त्यहाँ अहिलेसम्म ३ लाख ९१ हजारभन्दा धेरैमा संक्रमण पुष्टि भएको छ भने २४ हजार ५ सयभन्दा बढीको मृत्यु भइसकेको छ। तेस्रोमा रुस छ। त्यहाँ ३ लाख ६२ हजारभन्दा बढी संक्रमित छन्।