फाईल फोटो

पूर्ण बहादुर खड्का, अछाम ।

शनिबार अछामको चौखुट्टे नाकाबाट १४ सय ५१ नागरिक अछाम भित्रिएका छन् । भारतको विभिन्न शहर बाट धनगढी तथा महेन्द्रनगरबाट ४४ गाडी मार्फत उनिहरु चौखुट्टे नाका हुदैँ घर फर्किका हुन ।

अछाम भित्रिएका मध्ये ८ सय ६३ जना अछामका रहेका चौखुट्टे प्रहरी पोष्टका ईन्चार्ज गणेश बहादुर सिंहले बताए । उनिहरु २४ बस तथा १ स्कारपियो मार्फत अछाम भित्रिएका हुन् ।

ईन्चार्ज सिंहका अनुसार चौखुट्टे नाका मार्फत नै १५ बस, २ स्कारपियो र १ हाईस मार्फत ५ सय ७५ जना पनि अछामको साँफेबगर हुदैँ बाजुरा गएका छन् ।

यस्तै १ स्कारपियो मार्फत १३ जना जुम्लाका नागरिक समेत सोही नाका बाट आफ्नो जिल्ला गएका ईन्चार्ज सिहंले बताए । भारतले लकडाउनमा घर जानेहरुका लागि बाटो खुल्ला गरेपछि नागरिकहरु स्वदेश फर्किएका हुन् ।

यस्तै कैलाली र कञ्चनपुरको नाकाबाट मात्रै जेठ २ गतेपछि ४३ हजार बढि सुदूरपश्चिम प्रदेश भित्रिएका छन् । कैलालीको त्रिनगर नाकाबाट जेठ २ गतेपछि १२ दिनमा ३३ हजार चार सय ३४ र गड्डाचौकी नाकाबाट पाँच दिनमा १० हजार ८२ गरी ४३ हजार पाँच सय १७ जना भित्रिएका हुन् ।