काठमाडौं ।  नेपालमा कोरोना संक्रमितको संख्या १ हजार ५ सय ६७ पुगेको छ। पछिल्लो २४ घण्टामा आइतबार थप १६६ जनामा कोरोना संक्रमणको पुष्टि भए संगै उक्त संख्या पुगेको हो।

स्वास्थ्य तथा जनसंख्या मन्त्रालयका अनुसार संक्रमित मध्ये १४५० जना पुरुष र ११७ जना महिला रहेका छन्। आइतबार थपिएका मध्ये १६२ जना पुरुष र ४ जना महिला छन्।

 जसमा ८ जनाको मृत्यु भएको छ भने २२० जना संक्रमण मुक्त भएका छन्।अहिलेसम्म देशभर ६९ हजार ५ सय ८२ जनाको पीसीआर विधिबाट कोरोना परीक्षण गरिएको छ।

अहिले देशभर १ लाख १९ हजार १ सय ९२ जना क्वारेन्टाइनमा छन्। त्यसैगरी विभिन्न अस्पतालमा १ हजार ३ सय ४९ जना आइसोलेसनमा रहेका मन्त्रालयका प्रवक्ता डा. विकास देवकोटाकाले जानकारी दिए ।

यता सुदूरपश्चिम प्रदेशमा ८ जिल्लाका २८ जनामा कोरोना पुष्टि भएको छ। आइतबार धनगढी प्रयोगशाला मार्फत गरीएको परीक्षणमा थप पाँच जनामा कोरोना पुष्टि भएपछि नेपालभित्रै संक्रमित सुदूरपश्चिमवासीको सङख्या २८ पुगेको हो।