नेपाली कांग्रेसका युवा नेता नैनसिंह महरले देशभरका क्वारेन्टीनको अवस्था उदेकलाग्दो रहेको जनाउदैं सरकारको कडा शब्दमा आलोचना गरेका छन् ।

सरकारले कोरोना रोकथाम तथा नियन्त्रणमा झण्डैँ १० खर्ब खर्च गरेको कुरा र देशभरका क्वारेन्टीनको अवस्थाको तुलना गर्दै सरकारप्रति नेता महरले रोस प्रकट गरेका हुन् ।

साथै नेता महरले अझैं थप रकम कुम्ल्याउन सरकारले स्वास्थ्य संकट कालको घोषणा गर्न लागेको आशंका समेत व्यक्त गरेका छन् ।

यतिले नपुगेर आफ्नो अयोग्यता ढाक्न जंगीबुट सडकमा उतारेर लोकतन्त्रको धड्कन बढाउने प्रयासमा पनि सरकार लागेको हुनसक्ने आशंका नेता महरले व्यक्त गरे ।

सरकारका यस्ता प्रयासहरुलाई निस्तेज र असफल पार्न जनताको पहरेदारी जरुरी रहेको उनको भनाई छ ।