आज (सोमबार) नेपालमा कोरोना भाइरसका ३१४ जना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा भएको परीक्षणमा ३१४ जनामा कोरोना पुष्टि भएको हो।

योसँगै कोरोना संक्रमितको कुल संख्या ३ हजार ७६२ पुगेको छ। यीमध्ये १४ जनाको मृत्यु भएको छ भने ४८८ जना संक्रमणमुक्त भएका छन्।

हालसम्म देशभर पीसीआर विधिबाट १ लाख ९७१ जनाको कोरोना परीक्षण भएको छ भने आरडीटी विधिबाट १ लाख ५६ हजार ९९१ जनाको परीक्षण भएको छ।

आजको दिनमा देशभरका क्वारेन्टिनमा १ लाख ७० हजार ७३२ जना छन्। त्यसैगरी विभिन्न अस्पतालका आइसोलेसनमा ३ हजार २६० जना छन्।