लालबहादुर चदारा, अछाम ।

मेल्लेख गाउपालिका वडा नं. ४ कुस्कोटको क्वारेन्टाइनमा रहेका ९९ जनालाई आज होम क्वारेन्टाइन मा पठाईएको छ । भारतबाट आएर १४ दिन बिद्यालयको क्वारेन्टाइनमा बसेका उनिहरुको आरडिटी परिक्षण नेगेटिभ देखिए पछि घर पठाईएको हो ।

उनिहरुलाई थप ७ दिन होम क्वारेन्टाइनमा बस्ने गरि घर पठाईएको हो । कालिका आधारभुत बिद्यालयको क्वारेन्टाइनबाट ५ जना, स्वरस्वति निमाबि राँफाबाट ३० जना, मालिका निमाबीबाट २७ जना, जनकल्याण आधारभुत बिद्यालय बाट ४ जना, बासुकि मा बि को क्वारेन्टाइन बाट १९ जना र आदर्श निमा बि बाट १४ जना लाई घर पठाईएको हो ।

वडा कार्यलयका सहायक दिल बहादुर साउदका अनुसार कुस्कोटमा भारत बाट आउनेको संख्या दिनप्रतिदिन बढदै गैरहेकाले क्वारेन्टाइन ो ब्याबस्थापन गर्न समस्या भइरहेको छ । कुस्कोटबाटै आरडिटी नेगेटिभ आएका ५३ जनाको पिसिआर परिक्षणको लागि स्वाब संकलन गरि पठाएको रिपोर्ट आउन बाकि रहेको वडा अध्यक्ष वीर बहादुर साउदले बताए ।

आरडिटी परिक्षणमा पनि सबै भन्दा बढि पोजिटिभ को कुष्कोटमा रहेको भन्दै कुस्कोट बासिले अझै सजक हुनुपर्ने देखिएको छ । कुस्कोट मा अझै २ सय ५७ जना भन्दा बढि बिद्यालय क्वारेन्टाइनमा रहेका छन् ।