लालबहादुर चदारा, अछाम – मेल्लेख गाउपालिकाले असार मसान्त सुरु हुन लागेसंगै आर्थिक बर्ष २०७६/०७७ मा निर्माणधिन अबस्थामा रहेका योजनहरुको कामको अबस्था बुझन थालेको छ । आइतबार प्रबिधिक प्रमुख सहितको टोलिले मेल्लखको वडा नं. ३ ठाटिमा रहेका योजनाहरुको अनुगमन गरेको छ ।

बिश्व माहामारिको रुपमा फैलिएको कोरोना भाइरस नियन्त्रण तथा रोकथामको लागि लामो समयसम्म गरिएको लकडाउनका कारण कतिपय योजनाहर प्रभावित भएका छन् ।

ठाँटिमा निर्माणधिन अवस्थामा रहेका योजनाहरुको के कसरी काम भइरहेका छन भन्ने बारे जानकारी लिन मेल्लेख प्रबिधिक शाखा प्रमुख इन्जिनियर खडक धामी, प्रबिधिक रंग साउद लगायतको टोलि ठाटि पुगेको हो ।

टोलीले ठाटि पिपल चौर माबिमा गाँउपालिकाको सहयोगमा बनिरहेको चारकोठे पक्की भवन ३२ लाख को लगानीमा बन्दै गरेको भवन मापदण्ड अनुसारको बने नबनेको जानकारी लिएको छ । प्राबिधिक स्टमेट अनुसार भए नभएको चेक जाच पनि गरेको छ। प्राबिधिक दृष्टिकोणले भवनको निर्माण कार्य अगाडि बढिरहेकोले असार मसान्तसम्म सकनिे बताईएको छ ।

यतिबेला मेल्लेखका प्रबिधिकहरु गाँउपालिकाका वडा अन्तर्गत निर्माण कार्य असार मसान्तसम्म सम्पन्न गर्ने गरि काम गराउन दैनिक रुपमा फिल्डमा खटिरहेकोे इन्जिनियर धामीले बताए ।