अछाम – नेपाल कम्यूनिष्ट पार्टी नेकपा अछामका सचिव झपट साउदले रामारोशन गाउँपालिकाका बिभिन्न क्वारेन्टाईनमा वसेकाहरुलाई नास्ता सहयोग गर्नुभएको छ ।

सचिव साउदले आफ्नो ब्याक्तिगत लगानीमा सबै वडामा स्थापना भएका क्वारेन्टाईनमा वसेकाहरुका लागि चना, चिउरा, अण्डा, चाउचाउ र मास्क वितरण गर्र्नुभएको हो ।

नास्ताका लागि ७२ किलो चिउरा, ६० किलो चना, २ पेटी चाउचाउ, ५ किलो चिनी, एक हजार ५० गोटा अण्डा, र ४०० थान मास्क रामारोशन गाउँपालिका अध्यक्ष झंकर साउद मार्फत क्वारेन्टाईनमा पठाउनुभएको हो ।

संकटको बेलामा भारतबाट आएका नागरिकहरुलाई आफ्नो तर्फबाट सानो सहयोग गरेको सचिव साउदले बताउनुभयो । संसारनै कोभिडका बिरुद्ध लडिरहेको बेलामा सबैले एक आपसमा मानवता र भाईचाराको सम्वन्ध राखेर रोग बिरुद्ध एकजुट हुनुपर्ने उहाँको भनाई छ ।