अछाम । जिल्लामा बिहिबार मात्रै ४२ जनामा कोरोना भाईरस कोभिड १९ को संक्रमण देखिएको छ । ११ महिला र ३१ पुरुष गरी ४२ जनामा कोरोनाको संक्रमण देखिएको हो ।

यसअघि बिहीबार बिहान पुष्टी भएका मध्ये मेल्लेख गाँउपालिका २३ र साँफेबगर नगरपालिकाका ६ जना रहेका थिए भने साँझको रपोर्ट अनुसार १३ जना थप भएका हुन् ।

स्वास्थ्य मन्त्रालयका प्रवक्ता डा. जागेश्वर गौतमले दिएको जानकारी अनुसार १३ जना थप भएका हुन् । उनिहरु कुन पालिकाका हुन भन्ने खबर प्राप्त हुन सकेको छैन ।

स्वास्थ्य कार्यालय अछामका सूचना अधिकारी देवराज जोशीका अनुसार जेठ २८ गते स्वाब संकलन गरी धनगढी पठाईएको भएपनि उनिहरु सबैको परिक्षण काठमाण्डौको टेकुमा गरिएको थियो ।

एकै दिन ठुलो मात्रामा अछाममा कोरोनाको संक्रमण देखिएको यो पहिलो पटक हो ।