धनगढी। आर्थिक मामिला तथा योजना मन्त्री झपट बोहराले सुदूर पश्चिम प्रदेश सरकारले कोरोना रोकथाम र नियन्त्रणका लागि ६० करोड रुपैया खर्च गरेको बताएका छन् । मन्त्री बोहराले कोरोना रोकथामका लागि सुदूर पश्चिम सरकारले ६० करोड रुपैया खर्च गरिएको बताए ।

मन्त्री बोहराले आर्थिक वर्ष २०७७/७८ को बजेटमा पनि स्वास्थ्यलाई  प्राथमिकतामा राखिएको बताए । उनले भौतिक पूर्बाधार मन्त्रालयलको सफ्टवेयर पीएलएमवीएस लक गरेर आर्थिक मामिला तथा योजना मन्त्रालयले रातारात प्रकृया विपरित योजनाहरु समाविष्ट गरेको आरोपमा सत्यता नभएको बताए ।

त्यो सफ्टवेयरको पासवर्ड आर्थिक मामिला मन्त्रालयले नै भौतिक पूर्बाधार मन्त्रालयलाई दिने हो, हामीसंगै त्यसको पासवर्ड हुन्छ भने लक गर्ने अथवा ह्याक गर्ने भन्ने कसरी हुन्छ ? उनले भने, योजनालाई सन्तुलित गर्ने जिम्मेवारी पनि आर्थिक मामिला तथा योजना मन्त्रालयको नै हो । बजेट र योजनालाई सन्तुलित गर्नुपर्ने जिम्मेवारी पुरा गर्दा अनावश्यक प्रचार भयो ।

मन्त्री बोहराले भारतबाट आएका  सुदूर पश्चिमेली दाजुभाई तथा दिदी बहिनीहरुलाई स्वरोजगार तथा उद्यमशिल बनाउन स्वरोजगार कोषको सय करोड रुपैया कार्यबिधि बनाएर परिचालन गरिने बताए ।

उनले सरकारले सुदूर पश्चिमको विकास, समृद्धि र कोरोनाको रोकथामका लागि आवश्यक कार्य गरिरहेपनि सत्ता पक्षकै केही सांसदहरुले बिरोध गरेको भन्दै असन्तुष्टि व्यक्त गरे  ।