कालिकोट। कर्णाली राजमार्गअन्‍तर्गत कालीकोटको खाँडाचक्र नगरपालिका ३, गल्लीमा पहिरो जाँदा कर्णाली राजमार्ग अवरुद्ध भएको छ । 

आइतबार राति परेको अविरल वर्षाका कारणले कर्णाली राजमार्गमा पहिरो गएको हो । पहिरोका कारणले कर्णाली राजमार्ग अवरुद्ध भएको र अहिले खुलाउने प्रयास जारी रहेको जिल्ला प्रहरी कार्यालय कालीकोटले जनाएको छ । 

सडकभन्दा माथिबाट पहिरो आएको र अहिले डोजर लगाएर खुलाउने प्रयास भइरहेको जिल्ला प्रहरी प्रमुख  श्यामबाबु ओलियाले जानकारी दिए । –रासस, फाइल तस्बिर ।