अछाम – जिल्लामा हाल सम्म्कै सबैभन्दा बढी ६५ जनामा कोरोना संक्रमण पुष्टि भएको छ । जिल्लाको साँफेबगर नगरपालिकाका विभिन्न वडामा गरि ४७ पुरुष र १८ महिलामा कोरोना भाइरसको संक्रमण देखिएको हो ।

५ दिन सम्म संक्रमण नदेखिएको जिल्ला एकैपटक बढी संख्यामा कोरोना भाइरसको संक्रमण पुष्टि भएको हो।

जसमा १ जना स्वास्थ्यकर्मी पनि रहेका छन् । संक्रमित मध्ये केहीको बयालपटा अस्पतालमा स्वाब संकलन गरि सेती प्रयोगशाला धनगढीमा परिक्षणको लागि पठाइएको थियो ।

यस अघि जिल्लामा १२४ जनामा कोरोना भाइरसको संक्रमण देखिएको थियो । जिल्लामा जम्मा संक्रमितको संख्या १८९ पुगेको छ।