दिनेश केशी, अछाम।
तालागाड लघु जलविद्युत फेरी अवरुद्ध भएको छ । विद्युत सन्चालन भएदेखीनै बेला बेला अवरुद्ध भइरहने पञ्चदेवल बिनायक नगरपालिकाको तालागाड लघु जलबिद्युत फेरी अवरुद्ध भएको हो ।
करिब तिन चार दिन अघि परेको अबिरल बर्षाले बिद्युतको बाँध (कुलो) खोलाले बगाए संगै करिब ४ दिन देखी बिद्युत सेवा अवरुद्ध हुँदा नगरपालिकाका अधिकांस नागरिक अन्धकारमा बस्न बाध्य भएका छन् ।
नगरपालिकाको केन्द्र बिन्दुमा रहेको बिनायक बजारमा बिद्युत सेवामा भइरहने अनियमितताका कारण बिशेस गरि बैंक तथा बितिय संस्था, रेडियो तथा सन्चार माद्याम,आइएमी सेवा बढि प्रभाबित बनेका हुन ।
करिब १ महिना अवरुद्ध भई केहि दिन बत्तीको झुल्को देख्न पाएका पञ्चदेवलका नागरिक फेरी टुक्की र मैयन बत्ती बालेर अध्यारो रात कटाउन बाध्य भएका छन ।
बिद्युत सन्चालकलाई बत्ती कहिले आउछ बुझ्न खोज्दा केहि दिनमा आउने जानकारी मात्रै दिने गरेका छन।
प्रतिक्रिया