होम साउद, अछाम ।

मंगलसेन नगरपालिकाले १४ वटै वडामा उन्नत जातको बोका बितरण गरेको छ । नगरको पशुसेवा शाखा मार्फत प्रत्येक वडाका एक/एक जना अगुवा कृषकलाई १४ वटा बोका बितरण गरिएको हो ।

मंगलसेन नगरपाललिका प्रमुख पदमबहादुर बोहराको विशेष उपस्थितीमा किसानहरुलाई बोका बितरण गरिएको थियो । नगरप्रमुख बोहराले बोका लिएर त्यसको भरपुर उपयोग गरि बाख्रा उत्पादन गर्न किसानहरुलाई आग्रह गरे ।

बोकाको राम्रो स्याहार सुसार गर्दै बाख्रापालनमा आत्मनिर्भर नगरपालिका बनाउनमा उनको आग्रह थिए । उत्कृष्ट कृषकलाई आगामी दिनमा पुरस्कृत गरिने नगरप्रमुख बोहराले घोषणा गरे।

बोका वितरण कार्यक्रममा प्रमुख प्रशासकीय अधिकृत ओमकार शाह, वडानम्वर १ का अध्यक्ष गोपाल थापा, २ का अध्यक्ष मान बहादुर बोगटी लगायतको उपस्थिती रहेको थियो । कृषि विकास शाखाको चालु आर्थिक वर्षको वार्षिक स्वईकृत कार्यक्रम अन्तरगत ४ लाख ४० हजारको लागतमा किसानलाई बाख्रा उपलब्ध गराईएको पशुसेवा शाखा प्रमुख नेत्र बहादुर कठायतले जानकारी दिए।