काठमाडौं- पछिल्लो २४ घण्टामा देशभर थप १०९ जनामा कोरोना संक्रमण पुष्टि भएको छ।

योसहित कुल संक्रमितको संख्या १८ हजार ४८३ पुगेको छ।

स्वास्थ्य तथा जनसंख्या मन्त्रालयका अनुसार हाल देशका विभिन्न स्थानमा रहेका क्वारेन्टिनमा १८ हजार १८३ जना रहेका छन्।

कोरोना संक्रमण पुष्टि भएर आइसोलेसनमा रहेका व्यक्तिको संख्या ५ हजार ३८५ रहेको छ। यसैगरी हालसम्म १३ हजार ५३ जना संक्रमणमुक्त भएर डिस्चार्ज भएका छन्।

मन्त्रालयका अनुसार नेपालमा कोरोना संक्रमण पुष्टि भएर मृत्यु हुनेको संख्या ४५ पुगेको छ।