डन्डीराज भट्ट, अछाम – अबिरल बर्षाका कारण बुढीगंगा नदिमा यो बर्षकै सबैभन्दा ठुलो बाढी आएसगै नदिले कटान तिब्र थालेको छ । साँफेबगर नगरपालिका वडा नं ४ मष्टामाण्डौ पक्कि पुल छेउछाउ देखी वडा न ७ रिडीकोटका तटीय क्षेत्रका सयौ खेति योग्य जमिन कटान गरिरहेको छ ।

मष्टामाण्डौमा रहेका नगरपालिकाको कार्यालय, पुल बजार ,एयरपोर्ट र बजार समेत उच्च जोखिममा रहेको वडाध्यक्ष बालगिरी कुँवरले बताए । तटबन्धनको लागी बिभिन्न क्षेत्रमा पहल भईरहेको उनले बताए ।

नदिमा पानिको वहाब बढेसंगै नदि आसपास नागरिकहरु त्रसित भएका छन् । नदि छेउछाउको १०० औ रोपनि जमिन कटानको उच्च जोखिममा छ । नदिमा पानिको बहाब बढ्दा साँफेबगरका दर्जनौ बस्ति तथा खेतीयोग्य जमिन बर्सेनि कटान गर्दै गईरहेको छ ।

जिल्लामा भैरहेका विकास निर्माणका कामको लागि नदिको छेउछाउबाट अनियन्त्रित रुपले ढुगां,गिट्टी,बालुवा निकाल्दा कटानको जोखिम बढेको हो । साँफेबगर नगरपालिकाले बुढीगंगा नदि र छिपेखोलाबाट बर्षै पिच्छे लाखौंको राजश्व संकलन गर्ने गरेको छ ।

तर नदि नियन्त्रणका लागि कुनै प्रयास नभएको स्थानियको गुनासो छ । यस विषयमा यहाका नागरिकहरुले पटक पटक स्थानिय सरकार, प्रदेश सरकार र केन्द्र सरकारलाई जानकारी गराईरहदा पनि नदि नियन्त्रण तथा तटबन्धका लागि कसैले पनि दिर्घकालिन योजना बनाएको देखिदैन ।