‘पिडितको उद्धार र राहत व्यावस्थापनमा अग्रसर हुन नेता कार्यकर्तालाई आग्रह‘

अछाम । अबिरल बर्षाका कारण जिल्लाका बिभिन्न ठाँउमा भएको क्षति प्रति नेकपा अछामले दुख व्यक्त गरेको छ ।

बुधबार एक प्रेस विज्ञप्ती जारी गर्दै नेकपा अछामले बर्षाले जिल्लामा पहिरो, खेतिबारी नष्ठ, बिधुत नहर, झोलुंगे पुल, भत्किएका लगायतका दुखद खबर आएको भन्दै दुख व्यक्त गरेको हो ।

जिल्लाका धेरै स्थानमा पहिरो आई बस्तीहरु जोखिममा रहेका र खेतीबारीमा क्षति पुगेको भन्दै नेकपा अछामले बिपतको घडिमा जिउधनको रक्षा, राहत व्यावस्थापन एवंम पहिरो नियन्त्रणमा आवश्यक कदम चाल्न सम्बन्धीत निकायको ध्यानाकर्षण गराएको छ ।

बुधबार पार्टी अध्यक्ष शेरबहादुर कुवँर र सचिव झपट साँउदद्धारा जारी बिज्ञप्तीमा पिडितको उद्धार र राहत व्यावस्थापनमा अग्रसर हुन पार्टीका नेता कार्यकर्तालाई आग्रह गरिएको छ ।