काठमाडौं- पछिल्लो २४ घण्टामा नेपालमा ३८१ जनामा कोरोना पुष्टि भएको छ। योसहित हालसम्म कोरोना पुष्टि हुनेको कुल संख्या २१ हजार ३९० पुगेको छ।

पछिल्लो २४ घण्टामा देशभरका विभिन्न प्रयोगशालामा ६ हजार ३५९ जनाको पीसीआर नमुना परीक्षण गरिएको छ। हालसम्म नेपालमा ४ लाख १२ हजार ९५३ जनाको पीसीआर नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ।

हाल देशभर क्वारेनिटानमा रहेका व्यक्तिको संख्या ९ हजार ९२५ रहेको छ। पछिल्लो २४ घण्टामा देशभरबाट १३० जना डिस्चार्ज भएका छन्।

हालसम्म १५ हजार १५६ जना कोरोना संक्रमणमुक्त भएर डिस्चार्ज भएका छन्। यो ७० दशमलब ८ प्रतिशत हो।

नेपालमा अहिले सक्रिय संक्रमितको संख्या ६ हजार १७४ रहेको छ। सक्रिय संक्रमितमा हाल प्रदेश १ मा ३१२, प्रदेश २ मा २ हजार ६२२, बागमती प्रदेशमा ७८५, गण्डकी प्रदेशमा २७२, प्रदेश ५ मा ३४०, कर्णाली प्रदेशमा २९२ र सुदूरपश्चिममा १ हजार ५५१ जना रहेका छन्।

हालसम्म नेपालमा कोरोनाबाट ६० जनाको मृत्यु भइसकेको छ।