अछाम ।

न्याय हेल्थ नेपाल बयालपाटा अस्पतालका स्वास्थ्य सेवा निर्देशक डाक्टर बिकाश गौचनले पत्रकार धुर्ब बिसीको उपचारका लागि आर्थिक सहयोग गर्नुभएको छ ।

डाक्टर गौचनले दुबै मृगौला फेल भएर काठमाण्डौँको बिर अस्पतालमा उपचारार्थ अछामका क्रियाशिल पत्रकार बिसीको उपचारमा सहयोग पुगोस भनेर २५ हजार आर्थिक सहयोग गरेका हुन् ।

मृगौला फेर्न ठुलो रकम खर्च हुने र त्यत्रो रकम जुटाउन मुस्कील पर्ने भन्दै डाक्टर गौचनले आफुले सहयोग गरेको र अरुलाई पनि यस्तो अप्ठेरो परिस्थितीमा सहयोग गर्न आग्रन गरेका छन् ।

यस्तै सम बिकास नेपाल अछामका अध्यक्ष पशुपती कुवँरले पनि पत्रकार बिसीको उपचारका लागि १० हजार आर्थिक सहयोग गर्नुभएको छ ।

यस्तै अछाम घरभई हाल अमेरिका रहनु भएका चामुण्डा शर्माले पनि १० हजार आर्थिक सहयोग गर्नुभएको छ ।