एजेन्सी । च्याम्पियन्स लिगअन्तर्गत क्‍वार्टरफाइनल खेलमा एटलान्टाविरुद्धको खेलमा पेरिस सेन्ट जर्मेन (पीएसजी) का युवा स्ट्राइकर केलियन एम्बाप्पेले खेल्ने भएका छन् । पीएसजीका प्रशिक्षक थोमस टुचेलले एटलान्टाविरुद्ध एम्म्बाप्पेपे खेल्ने पक्का भएको बताएका छन् ।

जुलाई २४ मा फ्रेन्च कपको फाइनलका दौरान सेन्ट-इटिनेविरुद्धको खेलमा एम्बाप्पेले चोट बोक्दै मैदान बाहिरिएका थिए । स्ट्राइकर एम्बाप्पेलाई कम्तिमा तीन साता मैदान बाहिर रहनुपर्ने अनुमान गरिएको थियो । तर टुचेलले आज राति एटलान्टाविरुद्धको नकाउट भिडन्तका लागि उपलब्ध हुने बताएका छन् ।

एमबाप्पेले मंगलबार क्लबसँग प्रशिक्षणसमेत गरेका थिए । “यदि हिजो र आजको प्रशिक्षणका दौरान राम्रो भयो र केही असामान्य भयो भने, उनी एटलान्टविरुद्धको खेलमा मैदानमा उत्रिने छन्,” प्रशिक्षक टुचेलले भने । 

पीएसजी र एटलान्टाबीचको खेल पोर्चुगलको लिस्बनमा हुनेछ । खेल नेपाली समयअनुसार राती १२:४५ बजे सुरु हुनेछ । क्‍वार्टरफाइनलको पहिलो खेलमा इटालियन क्लब एटलान्टा र पीएसजी भिड्न लागेका हुन् । क्‍वार्टरफाइनलदेखि च्याम्पियन्स लिगका खेल कोरोना भाइरसका कारण होम एन्ड अवे भने हुने छैनन् ।