अछाम।

अन्तर्राष्ट्रिय युवा दिवस २०७७ मँगलसेनमा भब्यतामा साथ मनाईएको छ । दिवसको अवसरमा सदरमुकाम मगलसेन बजारमा सरसफाइ सहित शोडषा माध्यामिक विदयालयमा बृक्षरोपण गरिएको छ ।

सरसफाई तथा बृक्षारोपण कार्यक्रम पछिको औपचारिक कार्यक्रममा बोल्दै मंगलसेन नगरपालिका प्रमुख पदम बहादुर बोहराले युवाहरु शृजनशिल र गतिशिल हुनुपर्ने बताए । युवाले गर्ने हरेक रचनात्मक र सकारात्मक कार्यमा मंगलसेन नगरपालिका र आफ्नो तर्फबाट सहयोग रहने नगर प्रमुख बोहराले बताए ।

समाज परिवर्तनको जिम्मा युवाको हातमा रहेकाले हरेकले सकारात्म कुरालाई जोड् दिदै अघि बढनु पर्ने बताए । कार्यक्रममा नेकपाका मंगलसेन नगरपालिका ईञ्चार्ज चन्द्र बोहरा, नेपाल राष्ट्रिय शिक्षक संगठनका प्रदेश अध्यक्ष नर बहादुर रावल, जिल्ला युवा संजालका अध्यक्ष होम साउद, युवा अगुवा बम बहादुर स्वार लगायतले बोलेका थिए ।

नगर स्तरीय युवा संजालका अध्यक्ष राकेश रावलको अध्यक्षतामा भएको कार्यक्रममा वडा नम्बर ३ का अध्यक्ष पदम भाट, नगरको योजना शाखा प्रमुख खकेन्द्र सोडारि, प्रहरी चौकि ईञ्चार्ज धनविर सिंह धामी लगायतका अतिथि रहनु भएको थियो । कमल थापाको स्वागत मन्तब्यबाट सुरु भएको कार्यक्रमको सञ्चालन जगत भण्डारीले गर्नु भएको थियो ।