काठमाडौं– नेपालमा ४६० जना कोरोना भाइरसका संक्रमित होम आइसोलेसनमा रहेको स्वास्थ्य तथा जनसंख्या मन्त्रालयले जनाएको छ।
मन्त्रालयका प्रवक्ता डा। जागेश्वर गौतमका अनुसार प्रदेश १ मा ७२ जना, प्रदेश २ मा ९८, बागमती प्रदेशमा ३६ जना होम आइसोलेसनमा छन्।
गण्डकी प्रदेशमा भने एक जना पनि होम आइसोलेसनमा नभएको मन्त्रालयले जनाएको छ। त्यस्तै प्रदेश ५ मा १४५ जना, कर्णाली प्रदेशमा ८ जना र सुदूरपश्चिममा १०७ जना होम आइसोलेसनमा छन्।
मन्त्रालयका अनुसार कोभिड–१९ को उपचारका लागि नेपालमा जम्मा ९४२ आइसियु र ४९६ भेन्टिलेटर छन्।
प्रदेश १ मा आइसियुको संख्या ४३, प्रदेश २ मा ४५, बागमतीमा ६३०, गण्डकीमा १३७, प्रदेश ५ मा २९, कर्णालीमा ४० र सुदूरपश्चिममा १८ छ ।
प्रदेश १ मा भेन्टिलेटरको संख्या १९, प्रदेश २ मा १७, बागमतीमा ३६१, गण्डकीमा ५९ प्रदेश ५ मा १३ कर्णालीमा १७ र सुदूरपश्चिममा १० गरी जम्मा ४९६ छ।
प्रतिक्रिया