काठमाडौं । पछिल्लो २४ घण्टामा देशभर ४६८ कोरोना संक्रमित थपिएका छन् । 

आज शनिबार भएको ११ हजार ४७ पीसीआर परीक्षणमा ४६८ जनामा संक्रमण देखिएको हो ।

सोही अवधिमा १२४ जना निको भएर डिस्चार्ज भएका स्वास्थ्य तथा जनसंख्या मन्त्रालयको नियमित प्रेस ब्रिफिङमा जानकारी दिइएको छ ।

स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार हाल नेपालमा ८ हजार १९३ सक्रिय संक्रमितको संख्या रहेको छ । 

नेपालमा कोरोना संक्रमितको संख्या २६ हजार १९ पुगेकाे छ ।