धनगढी – एचआरएस कन्सल्टेण्सी प्रालीका निर्देशक हेमराज रावलले आफ्नो जन्मदिनको अवसरमा धनगढीको एक आश्रममा रहेकालाई खाजा बितरण गरेका छन् ।

फजुल खर्च गरेर जन्मदिन मनाउन भन्दा समाजसेवाको भावनाले परोपकारी काम गर्नु राम्रो भएको भन्दै निर्देशक रावलले मानवसेवा आश्रम (मानवता प्रवर्द्धन महाअभियान परिवार) मा रहेकालाई शुक्रबार खाजा बितरण गरेका हुन् ।

अछाम घर भई हाल धनगढीमा रहेका रावलले आश्रममा रहेकालाई खाजा स्वरुप जेरी, दहि, समोसा, सिमी र चकलेट वितरण गरेका थिए । फरक सोच र बिचारका साथ आफुले यसपटक जन्म दिन बाल तथा बिद्या आश्रम जन्म दिन मनाएको रावलले उल्लेख गरेका छन् ।

मानवीय भावनाले परोपकारी हात अगाडी बढाएको भन्दै रावललाई मानव सेवा आश्रमले धन्यवाद ज्ञापन गरेको छ । समाजसेवाको भावनाले सहयोग गरेको भन्द आश्रम परिवारले रावलको जन्मदिनको अवसरमा सुख, शान्ति, समृद्धि एवम् उत्तरोतर प्रगतिको कामना गरेको थियो ।

हाम्रो चाहना, सबैका लागि खाना, नाना, छाना भन्ने प्रतिवद्दताका साथ मानव सेवा आश्रम सहयोगापेक्षी (बेसाहारा, अशक्त, असहाय, अनाथ अभिभावक विहिन) सडक आश्रित मानवमुक्त राष्ट्र नेपाल निर्माणका लािग क्रियाशिल रहेको छ ।